سكرتير ذكي للعيادات والمراكز الطبية

عيادتك ترد على كل مراجع
بالعراقي، وعلى مدار الساعة

سكرتيرك يستقبل رسائل ومكالمات مراجعينك، يحجز المواعيد بالدور، يجاوب على الأسعار والعروض، يذكّرهم بمواعيدهم وعلاجهم، ويحوّل للسكرتيرة بس اللي يحتاج إنسان.

  • 24 ساعة × 7 أيام
  • يفهم الكتابة والبصمات
  • واتساب، إنستغرام، فيسبوك والهاتف
  • إدارة كاملة من الموبايل
عيادة الشفاءمتصل الآن
السلام عليكم، أريد أحجز عند الدكتور باچر
وعليكم السلام هلا بيك 🌷 باچر السبت بيه مكان. شنو اسم المريض الكامل؟
علي حسن جاسم
تم الحجز ✅
الدور: 7 — دخولك المتوقع من الساعة 5 للساعة 6 العصر.
راح أذكرك قبل الموعد.
شكد الكشفية؟ واكو عروض؟
الكشفية 25 ألف. وهسه عدنا عرض الفحص الشامل بسعر مخفض لحد آخر الشهر 👌

نفس المشاكل بكل عيادة

  • تلفون العيادة يرن والسكرتيرة مشغولة، والمراجع يروح لغيرك.
  • رسائل واتساب بالعشرات تنتظر رد، وأغلبها نفس السؤال: «شكد الكشفية؟».
  • مراجعين ينسون مواعيدهم، والدور يتلخبط.
  • بعد الدوام والعطل: ماكو أحد يرد.

ويّا سكرتيرك

  • كل رسالة ومكالمة ينرد عليها فوراً، بأسلوب محترم وباللهجة العراقية.
  • الأسئلة المتكررة تخلص بدون ما تلمس السكرتيرة الموبايل.
  • تذكيرات تلقائية تقلل الغياب، ودور منظم يعرف بيه المراجع وقته.
  • العيادة «تشتغل» حتى وهي مسدودة: حجوزات الصبح جاهزة قبل الدوام.
المميزات

كل اللي تحتاجه عيادتك، بمكان واحد

تختار منها اللي يناسبك، وكل ميزة تنفتح أو تنسد حسب باقتك.

رد فوري على واتساب

يجاوب المراجعين على رقم العيادة بالعراقي، ويفهم الكتابة والبصمات الصوتية.

حجز مواعيد بالدور

يعرض الأيام المتاحة، يحجز، يلغي، ويعطي المراجع رقم دوره والوقت المتوقع لدخوله.

إنستغرام وفيسبوك

نفس السكرتير يرد على رسائل صفحتك وحسابك، ويحوّل الحجز لواتساب العيادة. صفحتك تبقى بيدك، وإحنا ناخذ صلاحية الرسائل بس.

يرد على المكالمات

المراجع يتصل ويحجي طبيعي، والسكرتير الذكي يرد ويحجز وهو على الخط.

الأسعار والعروض

قائمة خدمات بأسعار متعددة، خصومات وباقات بتاريخ انتهاء، وتعديلها برسالة وحدة.

تذكير الدواء

كل جرعة بوقتها على الواتساب، والمريض يأكد بضغطة «أخذته». وإذا اكو أكثر من دواء بنفس الوقت تنجمع برسالة وحدة.

تذكير الجلسات

علاج طبيعي، أسنان، ليزر، أو أي علاج بجلسات: يوم ما يحل موعد الجلسة الجاية يذكّره ويعرض يحجزله، وكل جلسة تنحسب من باقته.

تأكيد قبل الموعد

قبل يوم: رسالة بزرين «أكيد جاي» أو «ألغي». الغياب يقل، والدور اللي يفرغ يروح لغيره.

طابور منظم

المراجع يعرف وين وصل الدور، ويوصله تنبيه لما يقرب دوره حتى ما ينتظر بالعيادة.

تحويل للإنسان بذكاء

الحالات الخاصة والطارئة تتحول للسكرتيرة، وترد من واتسابها الشخصي ويوصل ردها من رقم العيادة.

تعليمات الطبيب، تذكير باسمه

الطبيب يحدد تعليماته للمريض وعدد أيام التذكير. المريض يحس طبيبه يتابعه بالبيت، فتنبني ثقة ويرجع لعيادتك.

صور التحاليل والتقارير

المراجع يدز صورة تحليل أو ملف، ويوصل للكادر مباشرة مع اسمه، والرد يرجعله.

القراءات من البيت

المراجع يدز قراءة الضغط أو السكر (حتى صورة شاشة الجهاز)، وتنحفظ بملفه حتى يشوفها الطبيب بالزيارة الجاية.

صفحة للكادر

الحجوزات، الدور، المحادثات، الأسعار والأرقام. تنفتح من الموبايل مثل التطبيق.

صندوق العيادة

دخل اليوم بالنقد والبطاقة، المصاريف، ومنو دخل للطبيب وبعده ما دافع. وملخص كل شهر.

يرتبط بنظام عيادتك

عندك برنامج استقبال أو محاسبة؟ نربطه ويّانا، والحجوزات توصله لحالها.

شكد وفّرلك سكرتيرك

آخر كل شهر يوصلك ملخص: كم رسالة ومكالمة رد عليها، وكم حجز سوّاه، وكم ساعة شغل وفّر على سكرتيرتك.

خصوصية وحماية

بيانات كل عيادة منفصلة ومحمية بنسخة احتياطية يومية، وما تنشارك ويّا أي جهة.

رحلة المراجع

من أول رسالة لحد ما يطيب

  1. 1

    يراسل أو يتصل

    بأي وقت، حتى بالليل والعطل.

  2. 2

    يحجز بدقيقة

    يختار اليوم، وياخذ رقم دوره ووقته المتوقع.

  3. 3

    يوصله تذكير

    قبل الموعد، وتنبيه لما يقرب دوره.

  4. 4

    يدخل للطبيب

    بدون انتظار طويل ولا زحمة بالاستقبال.

  5. 5

    متابعة بعدها

    تذكير بالعلاج والمراجعة، واطمئنان على حالته.

للطبيب والسكرتيرة

الإدارة من الموبايل، بدون تعقيد

  • أوامر بسيطة من واتساب: «التالي»، «دخل»، «غيّر سعر التخطيط».
  • صفحة خاصة بالكادر: حجوزات الأيام الجاية، إضافة وإلغاء.
  • مراجع جه بنفسه للعيادة؟ السكرتيرة تدز للنظام «ضيف مراجع حضوري: كريم جاسم»، ويدخل للدور بدون ما يتلخبط الترتيب.
  • رجع بالتحاليل: الطبيب طلب منه تحاليل أو أشعة، يرجع بيها ويدخل للطبيب بدون كشفية جديدة.
  • مراجعة كل المحادثات والرد عليها من مكان واحد.
  • زر إيقاف وتشغيل البوت بلحظة، وأي وقت ترجع للرد بنفسك.
  • أرقام واضحة: كم حجز، كم دخل، وكم ما حضر.
  • صندوق العيادة: اللي دفعوا، المصاريف، والصافي.
نزّل تطبيق الكادر

يشتغل على أندرويد وآيفون، بدون متجر: تفتح الرابط، وتضيفه لشاشتك بضغطة، والتحديثات توصل لحالها.

مو قالب جاهز

يتصمم على عيادتك ومتطلباتها

كل عيادة تختلف، فالسكرتير ينجهز ويتغير حسب شغلك، مو العكس.

اسمه وأسلوبه

تختار اسم السكرتير ونبرته، ويحجي باسم عيادتك.

خدماتك وأسعارك

الكشفية، الخدمات، الدوام والعطل، كلها حسب عيادتك.

طريقة الحجز

بالدور، أو بالساعة، أو الاثنين حسب الخدمة.

كادرك

طبيب واحد أو أكثر، وسكرتيرة أو أكثر، كل واحد بصلاحيته.

نظامك الحالي

يرتبط ويّا برنامج الاستقبال أو المحاسبة اللي عندك.

تحتاج شي مو موجود؟

نضيفه لعيادتك. نجهزه ويّاك خطوة خطوة، ونعدّله كل ما تحتاج.

الباقات

Normal · Pro · Max

كل الباقات تبدأ بتجربة مجانية 10 أيام، وتكدر تكبر باقتك بأي وقت.

Normal

الأساس لكل عيادة: سكرتير ذكي على واتساب العيادة يرد ويحجز وينظم الدور.

  • رد على الواتساب بالكتابة والبصمة
  • حجز بالدور ووقت الحضور المتوقع
  • تأكيد الحجز قبل يوم
  • إدارة الدور من واتساب الطبيب والسكرتيرة
  • صفحة الكادر وصندوق العيادة
  • رجع بالتحاليل: دخول للدور بدون كشفية
  • العروض والأسعار

Max

السكرتير الكامل: فوق كل شي، يرد صوتياً على مكالمات خط العيادة.

  • كل اللي بـ Pro
  • رد صوتي على مكالمات خط الموبايل
  • يحجز على الخط ويدز التأكيد واتساب
  • زر «اتصل» من محادثة الواتساب
  • 24 ساعة، وكل المكالمات سوا
تريد بداية بسيطة؟Liteالنظام وحجز واتساب بس.· عيادة كبيرة، أقسام، أو أكثر من فرع؟ باقة حسب الطلب·والأسعار نرسلها على الواتساب.
إضافات اختيارية

خدماتنا الأخرى المرتبطة بنظامنا

تشتغل على أجهزتك الموجودة وتخلي عيادتك تلفت النظر. عندك تلفزيون أو تابلت أو آيباد؟ يكفي، وما تحتاج تشتري شي.

شاشة الانتظار: الدور الحالي والأدوار الجاية
📺 شاشة الانتظارالدور الحالي والأدوار الجاية بالاسم والرقم. لما ينضغط «التالي» تنادي المراجع بصوت عراقي، وبين النداءات تعرض صور وفيديوهات عروضك.الجهاز: تلفزيون العيادة الموجود
كشك الحجز الذاتي عند باب العيادة
🧾 كشك الحجز الذاتيتابلت عند الباب: المراجع اللي يجي بنفسه يكتب اسمه ويختار الطبيب وياخذ دوره، بدون زحمة على الاستقبال.الجهاز: أي تابلت أو آيباد موجود
تابلت الطبيب يفتح ملف المراجع
🩺 تابلت الطبيبأول ما يدخل المراجع، ملفه يفتح وحده: الزيارات، الأدوية، القراءات، والملاحظات.الجهاز: أي تابلت أو آيباد موجود
صفحة وين وصل دوري على موبايل المراجع
📍 وين وصل دوريويا تأكيد الحجز يوصل المراجع زر يفتح صفحة تبين دوره مباشرة، فيعرف متى يطلع من البيت.على موبايل المراجع، بدون تطبيق
لمراكز التجميل

مواعيدج مرتبة، وزبوناتج يرجعون

  • حجز بالساعة حسب مدة كل خدمة: ليزر 30 دقيقة، فيلر ساعة، بدون أي تداخل.
  • باقات الجلسات: «جلستج 3 من 6»، وتذكير تلقائي لما يحل موعد الجلسة الجاية.
  • صور قبل وبعد محفوظة بملف كل زبونة، بس للكادر.
  • خدمات الليزر والبشرة والحقن جاهزة من أول يوم، وتعدلين الأسعار بضغطة.
  • يحچي ويا زبوناتج بأسلوب يناسب مركزج، وباسم تختارينه.
يناسب

مصمم لكل مكان يستقبل مراجعين

العيادات الخاصةطبيب واحد أو أكثر
المجمعات الطبيةأكثر من اختصاص بنظام واحد
عيادات الأسنانخدمات بأسعار متعددة وعروض
مراكز التجميلجلسات وباقات ومواعيد
البداية

تشتغل خلال يوم واحد

  1. 1

    نتعرف على عيادتك

    الأطباء، الأوقات، الخدمات والأسعار.

  2. 2

    نربط القنوات

    رقم العيادة وصفحاتها، ونجهز كل شي.

  3. 3

    نجرب ويّاكم

    ونعلم الكادر خلال ربع ساعة.

  4. 4

    تنطلق

    وإحنا وياكم بالدعم والتعديلات.

صور حقيقية من النظام

شوف سكرتيرك من جوّا

هذي صفحة الكادر نفسها اللي تستلمها العيادة، تشتغل على الموبايل والحاسبة. (الصور من العيادة التجريبية ببيانات وهمية)

شاشة اليوم: الدور الحالي وزر التالي
اليومالدور الحالي، وبضغطة «التالي» يدخل اللي بعده ويتبلّغ اللي وراه.
محادثة البوت ويا مراجع وهو يحجزله
المحادثاتكل كلمة حجاها البوت ويا المراجع، وتكدر ترد بنفسك بأي لحظة.
صندوق العيادة: دخل اليوم والمصاريف
الصندوقدخل اليوم نقد وبطاقة وتحويل، والمصاريف، والصافي.
أرقام العيادة: الحجوزات والغياب وردود البوت
الأرقامالحجوزات، الغياب، وكم مراجع خلّصه البوت لحاله.
الإعدادات: تشغيل وإطفاء الميزات وتعديل الرسائل
الإعداداتشغّل أو طفّي أي ميزة، وعدّل نص أي رسالة على ذوقك.
جرّبه بنفسك هسه

راسل السكرتير التجريبي على واتساب

عيادة تجريبية كاملة ببيانات وهمية: احجز، اسأل عن الأسعار، دز بصمة، وجرّب المكالمة الصوتية.

  • أول رسالة يسألك: عيادة طبية لو مركز تجميل
  • اكتب «اتصل» حتى تحجي ويّاه بالصوت
  • اكتب «تغيير» حتى تبدّل بين العيادة والمركز
افتح واتساب +964 776 967 2712
رمز QR لرقم التجربة على واتساب
صوّر الرمز بكاميرا الموبايل
أسئلة شائعة

عندك سؤال؟

إذا البوت ما عرف يجاوب؟

يحوّل المحادثة للسكرتيرة مباشرة، وترد هي من واتسابها الشخصي ويوصل ردها للمراجع من رقم العيادة.

هل يفهم اللهجة العراقية والبصمات؟

نعم، مصمم للهجة العراقية، يفهم الكتابة العامية والبصمات الصوتية ويرد بنفس الأسلوب.

أكدر أوقف البوت وأرد بنفسي؟

بأي لحظة، بزر واحد أو رسالة. ولما تكمل ترجعه يرد بنفس الطريقة.

شلون أغيّر الأسعار والعروض؟

برسالة واتساب للنظام، أو من صفحة الكادر. والتغيير ينطبق فوراً.

بيانات المراجعين آمنة؟

بيانات كل عيادة منفصلة، محمية بنسخة احتياطية يومية، وما تنشارك ويّا أي جهة. وتكدر تطلب نسخة كاملة من بياناتك بأي وقت.

شكد ياخذ وقت حتى يشتغل؟

عادة يوم واحد من تجهيز معلومات العيادة.

خلّي عيادتك ترد على كل مراجع، من اليوم

جرّب السكرتير بنفسك على واتساب، وبعدها نجهزه باسم عيادتك.